Մարտի 15-ի գիշերը տեղի կունենա լուսնի ամբողջական խավարում, սակայն Ռուսաստանում այն տեսանելի կլինի միայն մասամբ։ Դիտման լավագույն պայմանները կլինեն Հյուսիսային և Հարավային Ամերիկաներում, այս մասին հայտնում է NASA-ն։
Ամբողջական խավարման ժամանակ Լուսինը ստանում է բնորոշ կարմրավուն երանգ, որը պայմանավորված է Երկրի մթնոլորտում արևի լույսի բեկումով։ Այս երեւույթը հաճախ անվանում են «արյունոտ լուսին»:
Ռուսաստանում այն լավագույնս կերևա երկրի արևմտյան շրջաններում, բայց շատ բան կախված է եղանակային պայմաններից:
Նրանք, ովքեր չեն հասցնի տեսնել խավարումը, պետք է հիշեն սեպտեմբերի 7-ի ամսաթիվը. այս օրը լուսնի հաջորդ ամբողջական խավարումը տեսանելի կլինի Ասիայում, Աֆրիկայում, Ավստրալիայում և Եվրոպայում: Իսկ Ռուսաստանում և ԱՊՀ այլ երկրներում հաջորդ խավարումը, որը կարելի է ամբողջությամբ դիտարկել, սպասվում է 2026 թվականի մարտին։
Խավարումը տեսնելու համար հատուկ սարքավորում չի պահանջվում՝ պարզապես պարզ երկինք և բաց հորիզոն:
