Հասարակական կարծիքի ուսումնասիրման համառուսական կենտրոնը հրապարակել է Ռուսաստանում անցկացvած սոցհարցման արդյունքները, համաձայն որոնց ՌԴ նախագահի ընտրություններին մասնակցելու մտադրություն հայտնել է հարցվածների 76%-ը։
Ընտրություններին մասնակցելու մտադրություն հայտնածների 75%-ն էլ ասել է, որ եթե ընտրություններն այս կիրակի անցկացվեին, իրենց ձայնը կտային գործող նախագահ Վլադիմիր Պուտինին։
Հարցման արդյունքների համաձայն, եթե ընտրությունները փետրվարի 11-ին լինեին, «Նոր Մարդիկ» կուսակցությունից առաջադրված Վլադիսլավ Դավանկովի օգտին կքվեարկեր 5%-ը, Կոմունիստական կուսակցության թեկնածու Նիկոլայ Խարիտոնովի և Լիբերալ-դեմոկրատական կուսակցության թեկնածու Լեոնիդ Սլուցկիի օգտին՝ 4%-ը։
Հասարակական կարծիքի ուսումնասիրման համառուսական կենտրոնը հարցումն անցկացրել է փետրվարի 8-ին։
